Менаџмент: карти и ПР

Како одлични познавачи на Вардар и состојбите во последните 15 години, ние блогерите од Скопје за Вардар решивме да го подучиме од искуство нешто нашето раководство кое од своите канцеларии губи секаков контакт со навивачите.

Клубскиот ПР е во катастрофална состојба. Иако се фалиме како сме бренд, Вардар не се промовира. Освен ТВ емисија еднаш неделно и едно радио, повеќе репортажи за нас имаше кога бевме најслаби. Клубот не се рекламира ни за карти, ни за уписи во школите за младинци. Дали се е пополнето со татини синчиња, па нема потреба од реклама? Зошто Вардар нема билборди низ главниот град со кој ќе го најави стартот во ПМФЛ и побара поддршка? Немојте да мислите дека ја заборавивме прославата со бесплатното пиво и скара на која дојдоа вкупно 50 луѓе! Ни се смееше цела Македонија!

И додека во целата држава стадионите се полнат, нашата управа наплаќа карти, и не сака да направи ни еден бесплатен натпревар, кој силно ќе го изрекламира, да биде посетен масовно. Како Градски да е Енфилд, па се тепа да влезе пола планета на него. Немањето сенс продолжува со незаинтересираност и дрскост на структурите (очигледно со плава крв) кои им се потсмеваат на навивачите дека биле "банда запалени хулигани и копуци". Сето тоа се рефлектира и на односот на играчите, кои некој од управата ги подучува да "не ги ебат копуците" кои гинат на трибините да им дадат поддршка. Клубот како да сака да ги избрка навивачите. Дали е тоа планот за Европски Вардар???

Тоа што ФК Вардар нема да го наполни Градски не е новина, но и РК Вардар со својата цена од 2500 денари (40 евра) како да сака да ја исчисти салата во следната сезона од навивачи и да го следи патот на успехот на ФК. Да, бројот на натпреварите е зголемен,  Вардар е се поквалитетен и се работи за ЕХФ ЛШ, но никој не може да ме убеди дека системот кој е избран за цени на картите е добар.

Најпрвин, оваа сезона покрај Барса, Киелце и Сегед, ќе се сретнеме и со Колдинг, РНЛ (видно ослабнат), Кристианштад и Монпеље. Дали управата смета дека фиксната цена на карта која ја одредила од само 350 денари е доволна да се гледа европскиот првак Барселона во Скопје? Ние сметаме дека тоа е мизерна сума! Во исто време, дали управата смета дека Кристијанштад, Колдинг и Монпеље чинат 350 денари? Наместо да се направи целосна политика на поефтин сезонски билет, бидејќи одеднаш се даваат пари за истиот (каква што има низ цела Европа), нашата управа ги бара истите пари и ти дава само сигурно место. Па со таа фиксна цена заради сезонските потоа не можеме да ги наплатиме натпреварите со посилен противник!!! Не ми се пишува за полупразната сала лани во неколку наврати поради ваквата грешна политика! Воедно, кога започнува приоритетната продажба на билети за замена во 10:00 во понеделник веќе цели блокови се резервирани и однапред зафатени. Дали е ова начин Вардар да се одроди од навивачите и да се промовира во други кругови? Дали станавме шефовско клубче и сите смртници кои го поддржувале сега не му се потребни? Ние немаме 100 навивачи! Излишни ќе бидат повиците "Салата да се наполнела било најголем императив" и акциите купи една добиј две карти кои ќе бидат неизбежни на натпреварите со Колдинг, Монпеље и Кристијанштад ако управата планира да ја наполни салата. Да не заборавиме, сепак се работи за истата управа која лани ги измами оние што купија сезонски за ЖРК Вардар со акциите кои потоа ги правеше да ја спаси сезоната бидејќи никој не беше заинтересиран за карта! Немањето сезонски за фудбал и влегувањето со ракометните до фебруари, а потоа барањето да се купуваат карти беше срамно. Мизеријата од управа дури и тоа се дрзна да го направи - да повлекува и носи одлуки за карти во среде сезона за профит од 400 денари од сите натпревари по човек без кои Вардар очигледно ќе банкротираше!!! Секоја чест на управата која очигледно работи за интересите на спонзорите и против навивачите. Глумењето Металург е нешто кое што никогаш нема да го премолчиме! Очигледно некој во клубот размислува како да продава карти без да се осврне на тоа дека спортот се игра за навивачите. Ова е Македонија и Вардар.

Најголемата грешка се прави кај сезонските билети. Најпрвин, ако има сезонски билет за ЖРК и РК Вардар во ЛШ со фиксна цена постојат други начини за попусти и привлекување на публика.

Сите оние што ќе ги купат двата билети да добијат одреден попуст на сезонските. Зошто нема сезонски билет за СЕХА лигата за РК и домашното првенство за ФК? Зошто да не се направат разни пакети, и во комбинација на купување на билетите со нив да се добиваат поголеми или помали попусти? Па еве господа, штом попустот ви е толкав трн во око, не мора да го дадете. Дадете реквизит од фаншопот. Пример, за ФК во домашното и СЕХА шал; за СЕХА, РК ЛШ и домашно маица и шал, а за сите 4 сезонски билети дрес по избор? И сето ова под еден услов: сите карти, или барем половина од секоја трибина да се продаваат. Па најупорните нека победат!!!

Ем ќе привлечете повеќе публика, ем ќе остварите поголеми профити. Ова е само една од многуте идеи кои никого не го интересираат. Сепак, немаме време за овие организациски глупости, секоја година имаме нова компанија за карти па и тие никако да научат нешто.

Во последните година и пол нашата управа влегува од грешка во грешка. Секој ден публиката е се повеќе разочарана од таквите одлуки. Навистина е жално да гледаме дека брендот Вардар навистина не знае да се продаде, а во исто време да биде фер кон навивачите. Дали народната "многу бабици, дете килаво" повторно ќе се докаже на дело со примањето менаџери и директори кои немаат ни основна идеа како да наполнат сала, како да ги поттикнат навивачите да купуваат во фан-шопот и да се испромовираат? Останува дилемата, дали се работи за дилетантизам и непрофесионалност, или пак се работи за неискуство? Самсоненко, освести се!!!

За сите нас

Вчера како и секој нормален ден не гледав вести. Едноставно, не ме интересираат. И така, дојде 20 часот а јас практично немав ни идеа каква медиумска кампања се покренала против ФК Вардар, Сергеј Самсоненко и Комити. И кога другар ми прати вести, цели фермани, известија, слики (едни те исти ТРИ што се вртат на милион места). Па текстови, изјави, фејсбук статуси (ВЕ МОЛАМ, ФЕЈСБУК СТАТУСИ!!!) на некои си таму луѓе, се запрепастив. Па вие ги поминавте сите граници.

Седнав, пробуричкав и не можев а да не се згрозам. Пет медиуми, редовни душебрижници, ширеа мал милион глупости. Зародишот на таа акција го почнал објективниот и неутрален новинар-уредник, кој вечерта пред да ги објави овие вести ставил слика од неговите дечиња во дрес на ФК Шкупи на својот фејсбук со коментар дека не играат милионите(факт што јасно ја определува неговата неутрална позиција во настаните). Новинарот и уредник, по професија, а во слободно време НАВИВАЧ НА ФК ШКУПИ, се дрзнал да кажува кој и како колку деца тепал. Каде беше господине новинар, да кажуваш за младинците на ФК Вардар што ги тепаа во Чаир истите овие кои беа тргнати од Северна трибина поради жестоката реакција на публиката кон нив од овие настани? Кој тепа деца господине, и тоа не било какви, туку младински фудбалери на фудбалски натпревар организиран од ФФМ? Каде е тука правдата? Можеби ти се гордееш со изјавите дека Чаир бил за Македонците грчка граница (освен за Македонките) и дека таму тие немале пристап, па затоа реши да скриеш уште еден во серијата немили инциденти кои во таа населба се веќе секојдневна појава? Тоа што си необјективен, ќе го разберам, бидејки сепак ти си Албанец и ги браниш "своите", иако глумиш дека немало наши и ваши.

Но твоите колеги, Македонци, кои десет години во оваа држава ПЛАЧАТ како во македонското судство и новинарство се изгубила презумпцијата на невиност сега отворено те поддржаа во тврдењата дека нападнале Комити, иако ни една полициска истрага до сега не го потврди ни изнегира тоа тврдење. Како смееш така да обвинуваш за една истрага за три деца кои биле тепани (ни прва ни последна), можеби од "нивни" Албанци во местен инцидент за сега Албанците на глава да се качат за права, а упорно бегајки од обврските кои оваа држава ги налага???

И најстрашно е што во оваа пропагандна војна која 25 години ја водите има новинари македонци кои ве поддржуваат и ви даваат простор да ги ширите вашите небулозни тврдења. И по стариот добар обичај, секој пат кога Албанци напаѓаат Македонци барате да не се става приказната во етнички концепт и викате дека тоа се обични физички напади (изолирани инциденти), но кога Македонци напаѓаат Албанци, е тогаш секогаш мора да има етничка позадина на инцидентите. Па секој оној кој учел дефендологија ја поминал лекцијата во која се дефинира дека помалите етнички заедници секогаш ги напаѓаат поголемите од страв дека ќе бидат асимилирани, обидувајќи се да се "заштитат" од духови кои сами ги гонат.

За вестите сами немаме што да дебатираме. Каква мизерија и жал. На една телевизија излегува вест во која момчињата изјавуваат дека "можеби биле Комити". На друга пак, се пренесува дека најверојатно биле членови на навивачката група Комити. На сајтовите се пренесува дека децата изјавиле дека знаеле дека се Комити. Целосна конфузија - кога во недостаток на приказна работите се фабрикуваат до степен на лудило и општа тензија (нешто во што навистина сте мајстори) па се ставаат во некои драмски конотации. Навивањето против Албанците не траеше ни 10 минути вкупно, а беше изделено на 2-3 дела низ целиот натпревар. Уште една лага која се сака да се протне.

Нема да заборавиме дека притисоците да си оди управата на Шкупи според вас биле правени при резултат 2-2 во 91 минута (иако сите си отишле во 93 од стадионот). Зошто некој нормален би молчел 90 минути, па би се напнал баш во 91 кога и онака сите ќе си одат?! Вие ни објаснивте дека имало инцидент кај Сити Мол, кој пак е одалечен од стадионот со километри и вистинско прашање е дали воопшто е поврзан со натпреварот? На плоштадот се случиле инциденти, но дали и тие биле на некаков начин поврзани со натпреварот, бидејќи некој како по правило секаде го крие времето кога се случиле, за можеби никој да не може да си поврзе дека биле предоцна. Дали можеме по оваа логика нападите по автобусите во Чаир и Бутел (за кои не гледам да известувате) да ги поврземе со вчерашниот натпревар?

Не смеам да ги заобиколам фејсбук борците за слобода и Че Геварите. Тие ќе ги собирале Комити, ако другите не можеле, а не се способни да соберат Панини албум со сликички. Изјави од разноразни "навивачи" на Вардар кои кажуваат како тука со години немало инцидент и се згрозени. Како сите доаѓале во Скопје од цела Југославија и немало проблеми. А не кажуваат дека кој доаѓал тука од некаде морал да биде тепан, па Скопје било едно од најжешките гостувања во СФРЈ лигата, избегнувано од многумина. Но, тоа биле некои други времиња, и не можеме денес да се угледаме на истите. Во секој случај, нивните изјави доволно говорат за нивниот стаж на стадион кој траел сигурно три и пол натпревари.

Заканите дека "ако не се најдат сторителите јасно е кој стои зад сето ова" се само беден обид за протнување на приказната која е веќе изветреана. Комити Скопје е група која самостојно функционира и работи и нема никаква допирна точка со ниедна политичка партија, за разлика од некои кои пред камера беа ослободувани од лисици од високи функционери!

По ова, се поставува прашање: дали можеби нападнатите се навивачи на ФК Шкупи? Зошто не е возможно тие да биле Шверцери? Дали тоа некој го истражил? Дали можеби се работи за пресметка меѓу навивачките групи?!

Лесно е да се претворат работите во црни и бели, зошто таму каде што ги нема партиите, таму "слободоумните новинари" кои се залагаат за презумпција на невиност и фактите, а богами и слободата, се први да донесат суд уште пред и сами да дознаат што се случило (зошто не оставиле ни време за тоа). Жал ми е, но далеку сте од објективно новинарство. Сами покажавте колку манипулативно шпекулантски делувате, а мене ме разубедивте уште повеќе да продолжам да не ве гледам, слушам и читам!!!

П.С. Листата е долга во минатото. Многу пробаа но не успеаа. Нема ни новинари на кои им е ветено дека "ако се смени власта ќе станат уредници на националниот сервис" па плукаат против се, па и против нас во обид за политички поени. На нас нема да поентирате, ние не сме другите! Доаѓаат нови битки браќа Комити!

Фајнл 4

Фудбалерите денес успеаа да не израдуваат. 93 минута, гол за 1-0 против Ренова, нешто што повеќето не успеаа да го дочекаат во живо сезонава поради ракометот кој секако не окупираше. Повратниот дуел во четврт финалето на ЛШ не е мала работа, особено ако знаеме дека дома изгубивме 2 разлика но имавме реални шанси за напредок.

И сега логично се поставува прашањето зошто Вардар испадна во осмина финалето. Навистина не ни се објаснува веќе и сакаме да се израдуваме после сите овие години, ама ќе мораме да се објаснуваме. Не постои една директна причина за испаѓањето, туку тоа е склоп на повеќе околности.

Позитивно е што оваа сезона не паднавме на крај и бевме уморни, туку еднаш и ние успеавме во полна кондиција да изиграме од почеток до крај, што е за пофалба кон стручниот штаб кој очигледно работел. Мораме да кажеме дека успеавме и да ги отстраниме оние делови од натпреварот во кои се губиме и имаме проблем со концентрацијата.

Но, сеуште нерешливи проблеми на нашиот тим се индивидуалниот капацитет. Дефинитивно се гледа дека играчите малку работат на самостоен план преку нивните понекогаш чудни падови во текот на натпреварот. Ако сакаме фајнл 4, ќе мора на тоа да поработиме.

Ќе мора и управата да поработи на полнење на џебовите на лицата од ЕХФ. Ние сме спас за нив и нивната состојба на пропаст и негледање ракомет низ Европа, и дефинитивно сме една од атракциите во ЛШ. Но без адекватна финансиска мотивација во европската куќа на ракометот ќе продолжиме да гледаме сомнителни судиски одлуки на арбитрите во четвртфиналињата кога најмногу ќе биде потребно. Тие не се пресудни, но се доволни еден Арпад Штербик да се демотивира. Еден Добривоје Маркович да не може да прекине да станува на клупа и да урла после враќањето на секоја топка назад откако противникот ќе промаши.

Засилувањата за следната сезона се откриваат уште од сега како вистински. Во четврт финалево ја видовме реалноста. Се буневме за Немања, ама Немања денес на нерешено во првото полувреме, во ситуација 6 на 4 пред голот на Киелце промаши. Тоа промашување, и низа други пропуштени шанси кога на Дујшебаев два пати при нерешен резултат му паѓаа топки, Игор има големи грешки со подавања не чинеше сезона. Навистина имаме непокриени позиции. Затоа не сме кадар за Ф4, барем не сеуште.

Но, факт е и дека ни треба факторот на среќа. Не може во вториов дел од полусезонава овој ростер да погоди стативи онолку колку што погодил во последниве 3 сезони колку што игра заедно. Немаме среќа. Не не сака. Што е тоа што е против Вардар? Не ни ја дава радоста. Судбината не сака да ни ја даде. Зошто? Катастрофата да биде поголема, еднаш ние не можеме да се израдуваме. Сакам еднаш да го осетиме чуството на победа, на среќа, радост, еднаш да се оствари она што секој навивач го посакува за својот клуб. Нас нема да ни го даде тоа. Барем не сеуште.

Можеби некогаш ќе биде.

НАПРЕД ВАРДАР ВО СРЦЕ ТЕ НОСАМ

"RIP" Штип

Вака пишувавме во предходната сезона по натпреварот во Штип. Ова е нова објава на истиот текст. Орегиналот е на стариот блог домен, а можете да го отворите со кликање тука.


Пред да почнам да пишувам ќе напоменам дека текстот не се однесува за оние Штипјани кои во неделата сакаа нивна Брегалница да загуби, бидејќи имаше и такви.

Сеуште сум под импресии од она што го доживеавме во Штип. 2000 Македонци кои навиваат за тим чија навивачка група носи име Фаланга веројатно го направија најголемиот грев коj ни сами нема да можат да си го опростат еден ден. Таква страст одамна не сум почувствувал на фудбалски натпревар. Во недела се славеше за секој гол на Шкендија, се славеше со таква еуфорија која може да се спореди со гол во последна минута кој носи титула или влез во некоја повисока лига. Што е проблемот, толку ли проработеа комплексите, толку ли се мрази се што е од Скопје, а е обоено црвено-црно?  Желбата да се наштети на Вардар е таа што ги влечеше тие луѓе, дури и по цена на наша штета да профитира клуб кои во прва прилика ке го исплука и запали знамето на државата која ќе ја претставува во Европа. Додуше тоа знаме нема ни да го видиме на лето. Нема, бидејќи Металург, Турново и Работнички заедно имаат 17 навивачи, а племето што секојдневно убива Македонци на улица тоа знаме го користи само кога треба да го пали. Од каде таа омраза према Скопјани, зошто такви остри погледи и намуртени ликови, мислам дека и ѓаволот ќе имаше подобар пречек. Провокации, повремени напади со камења и други реквизити (за среќа безопасни), неспособни и неписмени редари кои мислеа дека се наоѓаат во појасот Газа па креираа некакви си тампон зони. Смешно и трагично истовремено.

   Фудбалерите на Брегалница одиграле за своја чест. Точноста на оваа теза сега веќе не е битна. Тие секако имаа право да одиграат најдобро што знаат. Наградата секако ќе стигне од Тетово, но и тоа стана легитимно во фудбалот бидејќи не е прв таков случај. Она што треба да се знае и да не загрижи се обидите да се стапи во контакт со управата на Вардар и да се побара нешто за возврат со цел намерно да се загуби натпреварот. Нашиве не дале ништо, но некој друг дал. Чисто наддавање и тука нема што да се лутиме. Дали постапката е во ред исто така постојат различни мислења. Во секој случај некој од нашиве експерти од управа проценил дека сме толку силен и моќен тим и ќе се прошетаме низ Штип, а цела сезона се молиме да дадеме по некој гол со екипи кои веќе се второлигаши. Или па не требаше да дадеме гол? А што ако ние сме најголемите шиптарски слуги? Колку вреди тоа што нема да настапиме во Европа? Направи ли некој таква проценка? Залутани луѓе го водат клубот. Не само што не им е грижа и се неспособни, туку се и прости. БАРАМЕ ОДГОВОРНОСТ! САКАМЕ САМИ ДА СИ ОДИТЕ ВИЕ КОИ ДЛАБОКО ВО СЕБЕ ЗНАЕТЕ ДЕКА СТЕ ВИНОВНИ! Тоа е најмалку што треба да направите. Со месеци се затскриваа лошите резултати со некакви си кадровски решенија и носења на познати имиња и легенди. За жал тие луѓе не смеат ни да поделат по некој совет, а камоли да донесат одлука. Нив никој не ги слуша, никој не ги прашува ништо. Тие се маска дека нешто добро се прави во Вардар. Зошто го донесовте Хаџиевски, јавно прашуваме? Мислите дека сме толку наивни и него ќе го обвиниме за оваа лакрдија. Нема да успеете да ги зачувате вашите позиции, не сте први кои ќе видите што значи да си играте со Вардар. Самсоненко не го видовме во Штип, но затоа отиде да се слика во Охрид. Дали му е важен ФК Вардар воопшто? Искрено се надеваме дека е така и ако е така тогаш треба повеќе да се ангажира. Под итно да ги тргне лешинарите околу него кои единствено нешто што го направиле успешно во животот е да залепат плакати и да ишкртаат ѕидови.

Дел од фудбалерите на Брегалница чувствуваат грижа на совест. Кај нашиве нема такво нешто, па тие не сакаат да ги погледнат во очи своите навивачи, оние кои патуваат за да бидат малтретирани од полицајци со ограничени капацитети. Трчаа кон соблекувалните по последниот свиреж како стампедо разјарени бикови. Во тоа време штипската публика го славеше пласманот на Шкендија во Европа. Катастрофа, катастрофален Вардар и бедна публика.

Според најновите информации нов споменик на Џемо Хаса висок 4 метри ќе никне во центарот на Штип благодарение на донацијата на косовските емигранти. Во Штип веќе нема пастмајлии. До каде може да оди самоуништувањето на Македонецот? Навистина тоа не познава граници. Сељак не е поим одреден според географски критериуми, тоа е израз на карактер и образование кај еден човек. Такви ги има и во Скопје, но такви се изнагледавме во Штип. Се ќе им се врати, ниту еден навивач на Вардар кој беше во Штип нема да им го заборави ова.

А ние нема да гледаме фудбал летово, но ќе видиме ли воља кај Самсоненко да почне да работи и да ги решава проблемите? А потребно е да почне од нула. Ништо што е во Вардар моментално не вреди. Сакаме луѓе на вистински позиции, сакаме луѓе кои знаат да работат, но и го сакаат Вардар. Сакаме рекламни спотови за Вардар, не за политички партии. Сакаме фудбалери кои играат фудбал. Сакаме искрен Вардар, сакаме Вардар кој ќе не прави горди во Европа, наместо да не брука во секое гратче и село во Македонија.

Ем шуто ем боде

Во викендов во кој игра фудбалската репрезентација па не го гледаме ФК Вардар, остануваше да се проследи натпреварот со Мешков Брест на СЕХА Ф4 турнирот во Унгарија.

И се би било така идеално и прекрасно доколку нашите ракометари не поштедеа од додатно разговарање и дебатирање на вакви теми, но очигледно околностите (повредите, емотивната истрошеност, заморот, тактизирањето) беа такви што не успеавме да влеземе во финале на СЕХА Ф4. Од една страна, добро ќе беше да одиграме уште еден компетитивен натпревар на високо ниво. Но, кога се знаеше дека тој натпревар ќе се игра против Веспрем, тогаш можеби подобро е што не го одигравме, бидејќи нема потреба уште во раните фази од проектот Вардар некоја екипа да ни набива комплекси победувајќи не 4 пати годишно. Секако не треба на лисецот Талант да му сервираме дел од нашата тактика и игра. 

Нашиов текст нема да се занимава со тоа што се случуваше во Унгарија, ни со играта на тимот. Ќе напоменам повторно, емотивно сме истрошени, не сме ние Кил па да мелеме кај стигнеме и толку ни е силата во моментов. Проценката на стручниот штаб е таква каква што е и ние ќе ја почитуваме се додека има позитивни резултати. Но, време е да се позанимаваме со некои од реакциите кои не стивнуваат после вчерашниот Вардаров меч. На страната Балкан Хендбол, се појави текст-коментар "Vardar u Vespremu: Zašto šamar SEHA ligi?".

Кој стои зад овој текст и овој сајт? Жика Богданович, големиот српско-балкански новинар од областа на ракометот. Истиот Жика што пишуваше во последните 3 сезони како Металург е највеличествен, најграндиозен и најдобар ракометен проект во Источна Европа (а забораваше на РК Загреб, РК Вардар, Веспрем, Мешков Брест и многу други). Истиот Жика што скоро секоја недела беше во Скопје и правеше интервјуа со играчите на Металург и стручниот штаб, а ни еднаш не се сети да сврати на Кале и да ги види Вардарци барем дали се живи. Е истиот овој г-дин Жика сега дава коментар како ние "не сме сакале да играме на СЕХА Ф4, зошто воопшто сме отишле таму, подобро Нексе да учествувал, што кажал Раул и колку пати се насмеал, кој направил селфи" и уште еден тон глупости.

А ако се присетиме подобро, токму Жика беше оној кој со гордост ги пренесуваше изјавите до лани на Лино Червар: "СЕХА лигата е подготвителна лига. СЕХА Ф4 го играме само да би учествувале на него, но немаме намера да се оптеретуваме со истиот. Наша цел е ЛШ. а СЕХА Ф4 е небитен."
 
Па г-дин Жика, зошто вие тогаш, кога Червар го маваше ова во лице на новинарите и ги уништуваше, омаловажуваше и обезвреднуваше СЕХА Ф4 турнирите во Загреб, Скопје и Ниш не реагиравте? Зошто молчевте, хер Жика? Како тоа одеднаш кај вас се пробуди желбата да плукате по РК Вардар, а до вчера кога Металург понижуваше се што е СЕХА од збор до збор ги пренесувавте нивните изјави и во вашите колумни ги браневте за таквите одлуки небаре ви се родени браќа? Кога станавте морален и етичен до овој степен?

Да потсетиме, Вардар е најуспешната екипа во кратката историја на СЕХА лигата па од тука доколку правиме по ваш кејф некаква си ранг листа кој колку ја омаловажува СЕХА лигата Вардар би бил последен.

Примете еден совет од нас. Пишувајте малку во вашата татковина, анализирајте и критикувајте таму. Би сакал во вашиот следен текст да прочитам за состојбата на српскиот клубски ракомет. Еве ви некои предлог теми-прашања. Каков е односот на српските екипи кон СЕХА лигата? До кога ќе губат со 15 разлика од македонските екипи, до кога ќе служат за гол разлика? До кога благодарение на нивниот „квалитет“ и аматеризам ќе го намалуваат нивото на квалитет и посетеноста на натпреварите во СЕХА лигата? Нели е тоа омаловажување? Господине Жика, еден навивач на Вардар годишно троши пари за влезници за натпревари колку вкупниот буџет на двата српски преставници во СЕХА.

Смачено ни е, господине Жика, од новинари како вас. Го црните перото на оние чесните, на оние кои се борат за објективноста. Со целата должна почит, но вака не оди. До вчера пишувавте едно пред балканската јавност, сега сосем друго. Знаете и сам каква е моќта на медиумите. Не ги користете да пробате да чепнете и вие дел од колачот во РК Вардар. Ние не делиме вино, бесплатни купончиња и пари на новинарите за тие да пишуваат за нас. Едноставно, мораат, зошто Вардар е хит на балканот и не можат да не заобиколат. Ни тие, ни вие. Е од тоа си патите!!!

Пу, Пу, Не Важи !!!

Повторно Скопје е центар на ракометниот свет, а новата магија изведена од уметниците во црвено црно долго ќе се памти и зборува. Благодарение на нив сите сме горди, весели, се чини дека целиот свет ни е на дланка. Проследивме уште една ракометна лекција, ракометен спектакл што ретко се гледа, зачинет со потребната доза на возбуда и тензија. Големо БЛАГОДАРАМ од нас, блогерите од блогот Скопје за Вардар за една од најубавите поминати саботи во последно време.
 ФК Вардар годинава како да е претплатен да ни ја дозира секоја радост која ја чувствуваме кога ракометарите во својот претпознатлив транс го мелат секој колектив во Европа што дошол во Скопје да игра ракомет. Овој пат се чини го дадоа својот максимум да го расипат впечатокот за црвено црниот викенд, но не успеаа. Оние кои дојдоа на Градски сеуште ги коментираа одбраните на Штербик и цепелинот на Карачич, наместо промашувањата на Грне и компанија.
  Ниту ние нема да посветиме големо внимание на антифудбалот кој во коалиција со одвратното време ги избрка половината гледачи уште на полувреме. За односот и посветеноста кон играта, клубот и навивачите, соодветствено со примањата и условите кои ги имаат спортистите, нешто сме пишувале, а ќе пишуваме и во други прилики. Само ќе поставиме едно прашање кое си го постави секој гледач на заминувањето (од оние најупорните кои останаа до крајот) „Овој ли Вардар ќе игра во Европа?“
  Она на што сме гневни е бедната одлука на нашата таканаречена управа со која го укина правото на најверните навивачи да присуствуваат на најголемото македонско дерби со прикажување на своите сезонски билети. Да потсетиме дека она што беше кажано на почетокот на сезоната е дека сезонските билети за натпреварите на РК Вардар во Лигата на Шампионите ќе важат и за домашните натпревари на ФК Вардар. Впрочем така и се влегуваше се до неделата. Изненадени сме од оваа срамна одлука која е директно насочена кон оние 50 до 100 најверни навивачи кои се тука на секој натпревар на Вардар и ги користат сезонските влезници. Има ли оваа наша управа почит кон најлојалните??? На ваков начин ли им враќа за посветеноста кон Вардар??? Да видиме како стои математиката. Останатите кои дојдоа и доаѓаат два пати годишно секако ќе платеа карта, а оние кои со сезонски влегуваат на секој натпревар не се повеќе од стотина. Епа управо наша алал нека ви е. Покажавте дека сте ситни души, паднавте толку ниско и за не повеќе од 300 евра ги измалтретиравте и пониживте враќајќи ги од вратите како кучиња оние кои Градски го сметаат за втор дом, оние на кои Вардар им е составен дел од животот. Се надеваме се збогативме доволно па сега ќе имаме пари и да платиме некој поквалитетни фудбалери кои ќе можат да излезат на крај со еден Пелистер (без потценување). Неспособни сте да го водите Вардар и не знаете да ги трошите парите на сопственикот. Повторно имавте катастрофална организација меѓу другото.
  Парафразирано, паролата на Чкембари „Добро е што Пелистер на гости ви иди, и Арената публика да види“ е болна, жална, брутално искрена и сигурно најточната и со најголема тежина која тие ја извадиле во поновата нивна историја. Чкембари на страна, во голем дел тоа е ваша грешка и ваша одговорност. Вие ги бркате и оние кои доаѓаат, за привлекување нова публика да не коментираме. Освестете се на време или имајте доблест и заминете сами. Водите сериозен проект, а се однесувате како да сте маалска екипа. Будно ќе ве следиме единствено за интересот на Вардар и сите Вардарци!


   Напред Вардар!
 

БЕЗРБЕТНИЦИ

   

   Безрбетниците постојат насекаде околу нас. Нашето општество е преполно со морални убиства, подлизурковци и луѓе кои секојдневно газат на својот збор. Нажалост, и ние Вардарци со зајакнувањето на нашиот клуб се повеќе сме соочени со доаѓање на играчи кои под превезот на професионалноста даваат секакви изјави против клубот чии бои ги бранат. Секојдневно секој од нас Вардарците се повеќе се чуствува предаден поради ангажирањето на играчи кои долго време немале позитивно мислење во однос на Вардар и Комити, и кои директно учествувале во креирање на пропаганди против Вардар.

   Прв пример е нашиот дефанзивец Бобан Грнчаров. Грне на социјалните мрежи реши да иронизира во однос на целата иницијатива на навивачите Немања Прибак да остане во нашиот клуб. Тој, наместо да сочуствува со еден од најпосветените негови колеги од спортското друштво чив член е, реши да се потсмева со мислењето на навивачите на клубот. За кого се игра воопшто фудбал во Македонија? За оние кои го поддржуваат клубот или за Грне да зема 10.000 евра и да плука по оние што гинат за клубот? Боли што никој во најголемата спортска институција во државава воопшто не ни им кажал на играчите дека не е убаво да се исмејуваат со нив и да влегуваат во дискусии со обичните фанови, поради кои не смееме да заборавиме дека овој клуб преживеа во најтешките денови од неговото постоење. За колегијалноста не вреди ни да се коментира, но фактите зборуваат дека потсмевањето со некого и воопшто не е фер кога тој некој е пример за таквите како Грне кои уживаат на стадионите во соседството гледајќи ЛШ во фудбал и возбудувајќи се поради некои странски, а утре и ривалски клубови. Е таквите собираат поени кај своите колеги и кажуваат како им покажале на навивачите со своите изјави. Кој беше мотивот на нашиот централен дефанзивец во ситуацијата не знам, но очигледно е дека неговото однесување воопшто не е добро.

   Жално е што сите ние на кои Вардар ни е една од најважните работи во животот знаеме дека Грне е можеби барем најхрабар па јавно го сподели неговиот став, а дека постојат уште многумина кои размислуваат исто како него. Се разбира дека ние навивачите не бараме стручна комисија во клубот за оценување на „идеолошка подобност” или слично, но дефинитивно не знам како раководните структури очекуваат да се створи хемија во Вардар кога се носи сенешто во клубот, а во исто време играчите кои оставале срце за истиот да се заборавани. И покрај потребата за сиров квалитет која не ја спориме, мора да признаеме дека ваквото однесување на одредени сегашни или идни членови на спортското друштво не придонесува на клубот, туку само може да создаде проблеми во моралот и хемијата во тимот. Мора целата клубска структура да ги „советува" играчите и да дава упатства за ПР делот во кој на сите полиња очигледно неверојатно потфрламе!!!

   Нов многу добро познат пример за ова е Дејан Манасков кој до пред неколку месеци се колнеше на верноста во Металург и дека него „руски рубљи не го интересираат". Дејан, репрезентативец на Македонија, без никаква почит блуеше по еден од најуспешните клубови во Македонија како е руски и насила купен. Откако Металург, за кој сите знаеме каква анти Вардар политика водеше со години се распадна, Дејан отиде во Германија и потпиша договор да почне да игра во Вардар. На целото плукање по социјални мрежи и јавно во изјави и на сајтови, но и на терен каде гестикулирал многу пати кон навивачите на Вардар вулгарно, боли тоа што нашиот клуб реши него да го ангажира баш него од сите играчи на таа позиција кои играат ракомет. Како ќе се чуствуваат сега Столе Стоилов, Страхиња Милич, Игор Карачич, Добривоје Маркович и сите оние кои со години биле провоцирани од истиот тој Деки? Зошто тој сега да добие шанса барабар со нив, кога тие во најтешките денови беа на наша страна, додека тој уживаше во сите тие сплетки и удари под појас кон овие момци? За неговиот карактер на безрбетник воопшто и нема што да се коментира бидејќи тој со овој гест тоа го докажа. Но и нашата управа докажа дека однесувањето за неа е неважно се додека играчот игра, што е голема грешка, бидејки тој играч со оглед на изјавите нема мотив да игра.

   На крај, ние Вардарци очекуваме Дејан јавно да се извини за неговите изјави и да даде дознаење дека тоа што го кажувал било целосно неточно. Тој ќе мора да ја покаже верноста кон Вардар и на терен, и надвор од него, а не би било лошо и да го видиме качен на трибина со Комити после некој натпревар како навива. Секако, без големо извинување и признание за грешката не смееме да му дозволиме да помине. Ако не сака да се извини, наше е да му помогнеме да го направи тоа!

А играчите кои веќе се дел од нашето спортско друштво а тераат мајтап и смеа со навивачите, време е раководната структура да ги научи како стојат работите и што значат навивачите за клубот. Ако некој планира да глуми лудило и мангуп во Вардар, за мангупи нема место. Вардар е, бил и ќе биде за сите ист. И за навивачите, и за играчите и за раководните структури. На крај, сите му мислиме добро и се бориме тој да е подобар. Затоа, ајде сите заедно да го направиме тоа. Ајде да не бидеме секој за себе, туку да бидеме вистинско семејство и спортско друштво! Ајде да покажеме дека сме едно заради нешто што е поголемо од нас!

По еден лајк за текстот за лајковите и Вардар !!!

 Сезоната полека влегува во финалето, расплетот се ближи и со нетрпение го очекуваме. Фудбалската сезона ни почнува веќе во недела во едно занимливо место за играње и гледање фудбал, додека ракометарите па и ракометарките ги очекуваат битки за влез меѓу најдобрите 8. Кратката воздишка пред новите возбудувања ќе ја искористиме да посочиме на еден сериозен проблем со кој се соочуваат клубовите кои го носат името Вардар. Проблемот генерално постои кај сите клубови, но тоа нас не не интересира бидејќи Вардар е она за што се грижиме. Проблемот можеби е дури и во животите на секој од нас, но овде пишуваме за Вардар. Деновиве и месециве постојано читаме за некаква масовна еуфорија која наводно се креира со играњето и резултатите на Вардар. Да бидеме искрени таква еуфорија не постои. Можеме ние најверните (околу 500 до 1000) со Војводина и со Тетекс да видиме многу добро и да препознаеме еуфорија. Еуфорија имаше кога ФК играше во СФРЈ, а во поново време можеби во летото кога бевме на прагот на влез во ЛШ, некој понизок степен постоеше кога Кометал освои ЛШ и кога кошаркарите ги играа натпреварите во Литванија.

   Денес живееме во време кога не знаеме што е реално, а што е виртуелно. Сведоци сме на комплетна замена на живеењето, дружењето, активностите, хобиата со нашите „мили“ кутии и апарати поради кои се одвикнавме да се гледаме во очи. Говориме за интернетот и социјалните мрежи. Денес се се случува таму. Најважно е тоа што се гледа и чита таму. И Вардар не е имун на ваквиот феномен. Младите генерации се денес опседнати со социјалните мрежи и она што е најболно и загрижува е тоа што се копмлетно исполнети со нив. Еуфоријата која предходно ја спомнавме, владее таму. Да ги анализираме бројките. На ФБ профилот на РК и ФК Вардар во моментов на пишување на текстов има околу 77 000 односно 76 000 лајкови т.е. луѓе кои се фанови и симпатизери на Вардар кои секојдневно одбрале да ги следат новините и да ги читаат сите работи поврзани со Вардар. Нема да бидеме ексклузивни или препаметни ако прашаме каде и пред се кои се тие луѓе. Меѓу нив има и луѓе кои не живеат во Македонија, но нивната бројка е реално премала за да направи некаква разлика. Една просечна објава на профилот достигнува и над 1000 лајка. Објавата за роденденот на Филип Петров на пример оди прелу 500 лајка. Половина од тие луѓе сигурно не ни знаат како изгледа Фичо и на која позиција игра. Објавите во кои се слави некоја победа, се истакнува резултат или постигнување на гол се најинтересни за анализа. Поточно лајковите и коментарите кои потоа следуваат. “Браво момци! Ајде Вардар! Браво гордост македонска! Газиме! Најдобри сме!” се едни од најчестите кои можеме да ги прочитаме. Се радуваме ли искрено на секој гол и победа или само стискаме лајк и куртоазно оставаме по некој коментар затоа што е модерно??? Понекогаш мислам дека доколку ФБ профилот на ФК Вардар објави дека сме ја победиле Борусија Дортмунд во групната фаза на ЛШ со 3:1 таа објава ќе оди и до преку 50 000 лајка, незнаејќи дека такво нешто воопшто не се случило. Па Вардар и не мора да ги игра натпреварите, доволно е да се објавуваат резултати на ФБ и да се слават. Клучното прашање е дали ни е потребен Вардар (или подобро да кажам дали им е потребен)? Дали го сакаме Вардар? Дали сакаме да го гледаме? Сме помислиле ли да отидеме на стадион и таму да викнеме барем еднаш напред Вардар или да опцуеме судија наместо тоа да го куцаме на нашите тастатури? Како стојат работите очиглено одговорот е НЕ. Доволни ни се социјаните мрежи, таму ќе пишуваме дека сме најдобри и дека сме најсилни навивачи додека 500 до 1000 момци константно ќе се борат и ќе страдаат за Вардар. Не можеме да наполниме сала од 5000 против Монпеље. За Градски и фудбал да не зборуваме. Кога последен пат можело да се прошета низ град и да се примети дека игра Вардар? На Вардар веќе не се псоветува ни час, а камоли ден или викенд. Се помалку распеани луѓе, помалку знамиња, помалку шалови. Имаме сега и мобилни со интернет па можеме и од кафичите да лајкаме и да се радуваме кога Вардар ќе даде гол. РК Вардар е сега шема, но знаеме многу добро пак ние истите дека тоа нема да биде вечно, пак ќе дојде ден кога ќе се тепаме со Пелистер за гол повеќе. И тогаш пак ќе бидеме таму ние малкумината да се бориме за Вардар. Без да навредиме некого, но страшна е сликата кога нема да препознаете ниту еден верен навивач на Вардар како седи доле на убавите фотељи близу паркетот во Јане Сандански, а не памтите кога сте пропуштиле натправар на Вардар во тек на повеќе декади. Гледаме костумосани госпоѓи и господа и деца кои возат скироли и си играат со балони додека ние горе скриени во некое ќоше каде што сме успеале да обезбедиме карти и се потиме затоа што на наш Вардар му исклучиле играч за 2 минути казна.

   По којзнае кој пат пуштаме абер и апелираме до пошироката јавност и особено оние кои се декларираат дека се Вардарци. Не му требаат на Вардар вашите лајкови!!! Дојдете на терен, дојдете на утакмица! Дојдете да се дружите, дојдете да се радувате и да тагувате заедно! Оставете ги лајковите за оние од Торонто и Мелбурн.

   Би биле среќни ние од блогот доколку место лајкови овој текст придобие барем еден плус човек што ќе стане вистински Вардарец, а таквите се секогаш таму каде што игра Вардар.

 

   Било кога, било каде!

   Се гледаме во Кратово! Повторно истите нели ???